في قهوة ع المفرق - الأخوين رحباني | القصيدة.كوم

عاصي (1923-1986) ومنصور (1925-2009) شاعران ومسرحيان لبنانيان، وأحد أعظم أسماء الموسيقى العربية والعالمية في القرن العشرين


395 | 0 | 0 | 1




في قهوة ع المفرق
في موقدة وفي نارْ
نبقى أنا وحبيبي
نفرشها بالأسرارْ
جيت لقيت فيها
عشّاق اتنين صغارْ
قعدوا على مقاعدنا
سرقوا منا المشوارْ

يا ورق الأصفرْ
عم نكبر، عم نكبرْ
الطرقات البيوت
عم تكبر، عم تكبرْ
تخلص الدني وما في غيرك يا وطني
يا وطني، يا وطني
بتضلّك طفل صغيّرْ

متل السهم الراجع
من سفر الزمانْ
قطعت الشوارع
ما ضحك لي إنسانْ
كل اصحابي كبروا
واتغير اللي كانْ
صاروا العمر الماضي
صاروا دهب النسيانْ

يا ورق الأصفرْ
عم نكبر، عم نكبرْ
الطرقات البيوت
عم تكبر، عم تكبرْ
تخلص الدني وما في غيرك يا وطني
يا وطني، يا وطني
بتضلّك طفل صغيّرْ




الآراء (0)   

دعمك البسيط يساعدنا على:

- إبقاء الموقع حيّاً
- إبقاء الموقع نظيفاً بلا إعلانات

يمكنك دعمنا بشراء كاسة قهوة لنا من هنا: