زرازير البراري (حن وآنه حن) - مظفر النواب | القصيدة.كوم

مظفر النواب

Muthaffar al-Nawab

شاعر وناقد ومعارض سياسي بارز عراقي من أصول هندية، اشتهر بشعره السياسي (1934-2022)


639 | 5 | 0 | 2




إلقاء: مظفر النواب



ألحان: طالب القرغولي / غناء: ياس خضر



(أغنية عن النبع الذي يسهر)


حِنْ ..
وآنه حنْ
وانحَبِس وَنَّه ونمْتحِنْ
مَرخوص بَسْ كَة الدمع
شَرط الدَمع،
حدّه الجِفن
***

جفنَك،
جنِح فرّاشة غض
وحجارة جِفني ..
وما غُمَض.
يَلتمشي بيّه،
ويّه النبَض
روحي اعله روحَك تنسحِنْ
حِنّ بويه حِنّ
***

عيونَك،
زرازير البراري
بكل مَرحها
بكل نَشاط جناحها،
بْعالي السَحَر
والروح مِنّي،
عوسجَة بَر
ما وصَل ليها النده،
ولا جاسها بگطرة، المطر
وصفولي عَنك،
بالنباعي تفيض ..
واتعنيت ..
ليله .. ويه الگمَر.
وصفولي عَنك،
كل مسامة تفيض مِنك عطر ..
يَلحِسنَك نَهَر
تنْزل بصدري،
ويَه النِفَس
وبدَمي،
غَصبَن تِنعجن
واشهگ ..
وأصّعدَك للسمه ..
بْحسرات ..
وبعَنَّة حِزنْ
حِنّ بويه حِنّ.
***

شفافَك، ولا گولن وَرد ..
عنَّابه ..
معگوده عَگد
تمتلي بگد،
ما تِنْمرِد
لا هي دَفو ..
ولا هي بَرِدْ
آني بْوَصفها راحْ أجنْ.
حِنّ بويه حِنّ.
***

سَكتاتك
تشَّكل خواطِر، بالگلب
ما لي عِرِف، بيهن گبلْ.
مَبروم بَرْم الخيط
يا رَيّان ..
ومخوصَر خَصر ..
لَف العگل
كل چلمة مِنك ..
نَبعَة البربين .. بالدلّال ..
ما تِحمل ثِگل
وصفولي عَنَك
وردة من قداح ..
ريش جناح،
زاهي بالسحر.
وصفولي عَنَّك
شال مِنك غيظ
بستان الوَرد
و النَرجِس الرايج سِكر.
حَنّي بفواريز ولَحن ..
حنّة حمامات السجن
حَنه إلي ..
وحنّه إلك ..
واللي يعجبَه خَلِ ايحنّ ..
حِن .. بويه حن.
***

آنه مِن اشوفَك
يمتلي الماضي الجَدِب،
زهرات بِيض مِن الوِفه
وروحي سواجي من الحنين ..
تْصير ..
وأتنبه وكِت بيها غِفه
يا محّجل ..
ان مَرّيتْ بيّه رْدود
أرِدْ رْدود .. للعشرين ..
مِن عُمْر الجِفَه
وأنصفْ عُمر منك،
فلا أنصَفْتَه بالهَجر ..
والهجِر مِنك ما كفه
حتى الهَجر يا روحي،
مِنك ما كفه
وگلبي على هَجرَك گام ايحن
حن وآنه حن
وانحَبِس وَنَّه ونمْتحِنْ
مَجبور،
أرخصَك عَلْ الدَمع
شًرط الدَمع يچوي الجِفن



1964


الآراء (0)   


الموقع مهدد بالإغلاق نظراً لعجز الدعم المادي عن تغطية تكاليف الموقع.

يمكنك دعمنا ولو بمبلغ بسيط لإبقاء الموقع حياً.





في الوقوف بين السماوات ورأس الإمام الحسين
( 23.4k | 5 | 6 )
قصيدة من عالم القطط
( 9.1k | 5 | 5 )
يجي يوم ونردّ لأهلنه
( 8.4k | 0 | 3 )
بالخمر وبالحزن فؤادي (نعم مولاي ترابُ)
( 8.1k | 5 | 9 )
ثلاث أمنيات على بوابة السنة الجديدة
( 7.3k | 5 | 4 )
سهرنالك دهر ما جيت
( 6.2k | 5 | 3 )
رحيل
( 5.8k | 0 | 9 )
أيها القبطان
( 4.9k | 0 | 2 )
يا حزن
( 4.1k | 4 | 6 )
رباعيات
( 3.6k | 4 | 1 )
وتريات ليلية - الحركة الأولى
( 3.4k | 5 | 3 )
اخذني يا بحر
( 3.3k | 0 | 2 )
وأنت المحال
( 2.4k | 0 | 2 )
بنات الشام
( 2.1k | 0 | 1 )
التباس وأشياء أخرى
( 1.9k | 5 | 2 )
عن السلطنة المتوكلية والدراويش ودخول الفرس
( 1.9k | 1 | 2 )
براءة الأخت
( 1.7k | 5 | 2 )
[جمعت مساحة بعض السجون]
( 1.6k | 0 | 2 )
للريل وحمد
( 1.6k | 5 | 4 )
براءة الأم
( 1.4k | 0 | 2 )
في الحانة القديمة
( 1.2k | 0 | 4 )
من الدفتر السري الخصوصي لإمام المغنين
( 1.1k | 0 | 1 )
المسلخ الدولي وباب الأبجدية (تعلل فالهوى علل)
( 1k | 0 | 0 )
عاتب آني بحرقة
( 984 | 0 | 2 )
وانتهى عقد الإيجار
( 891 | 3 | 2 )
البقاع .. البقاع
( 871 | 0 | 2 )
مو حزن.. لكن حزين
( 829 | 0 | 3 )
روحي ولا تگلها: شبيچ
( 829 | 5 | 5 )
عروس السفائن
( 796 | 0 | 0 )
اعترافان في الليل والإقدام على ثالثة
( 745 | 0 | 0 )
متوزرة بالماي
( 734 | 0 | 1 )
المساورة أمام الباب الثاني
( 628 | 0 | 2 )
الخوازيق
( 576 | 0 | 0 )
رقمُ هاتفٍ قديم
( 321 | 0 | 0 )