طريق النحل - الأخوين رحباني | القصيدة.كوم

عاصي (1923-1986) ومنصور (1925-2009) شاعران ومسرحيان لبنانيان، وأحد أعظم أسماء الموسيقى العربية والعالمية في القرن العشرين


447 | 0 | 0 | 0




إنتو وأنا ياما نبقى
نوقف على حدود السهل
وعلى خط السما الزرقا
مرسومة طريق النحل

أنا ومتكيّة ع بابي
مرقت نحلة بكير
غلّت بزهور الغابة
وصارت تعمل مشاوير

وتعن العنين
حزين ومش حزين
وبسكوت الضهرية
تكسّر الحنين

إذا رح تهجرني حبيبي
ورح تنساني يا حبيبي
ظل تذكرني
وتذكر طريق النحل
** **

طريق النحل الطاير
فوق الضو المكسور
بيصير يرسم دواير
يكتب ع الهوى سطور

من فوق القصور
أعلى من القصور
أعلى من قبب العالي
عم يكتب سطور

إذا رح تهجرني حبيبي
ورح تنساني يا حبيبي
ظل تذكرني
وتذكر طريق النحل
** **


الآراء (0)   

دعمك البسيط يساعدنا على:

- إبقاء الموقع حيّاً
- إبقاء الموقع نظيفاً بلا إعلانات

يمكنك دعمنا بشراء كاسة قهوة لنا من هنا: