تلج تلج - الأخوين رحباني | القصيدة.كوم

عاصي (1923-1986) ومنصور (1925-2009) شاعران ومسرحيان لبنانيان، وأحد أعظم أسماء الموسيقى العربية والعالمية في القرن العشرين


456 | 0 | 1 | 0



تلج تلج
عم بتشتّي الدنيي تلج
والنجمات حيرانين
وزهور الطرقات بردانين

تلج تلج
عم بتشتّي الدنيي تلج
والغيمات تعبانين
وعَ التلة خيمات مضويّين
** **

ومغارة سهرانة
فيها طفل صغير
بعيونو الحليانة
حبّ كتير كتير

تلج تلج
عم بتشتّي الدنيي تلج
وكل قلب وكل مرج
زهّر فيه الحب متل التلج
** **

جايي رعيان من بعيد
وين الطفل الموعود؟
هوني يا رعيان العيد
هوني الليل المنشود

تلج تلج
شتّي خير وحب وتلج
على كل قلب
على كل مرج
إلفة وخير وحب متل التلج

تلج تلج



الآراء (0)   

دعمك البسيط يساعدنا على:

- إبقاء الموقع حيّاً
- إبقاء الموقع نظيفاً بلا إعلانات

يمكنك دعمنا بشراء كاسة قهوة لنا من هنا: